ᠭᠢᠨᠳᠠᠨ ᠢ ᠡᠪᠳᠡᠵᠦ ᠭᠠᠳᠠ ᠪᠠᠨ ᠠᠪᠤᠷᠠᠭᠰᠠᠨ ᠨᠢ
ᠭᠠᠳᠠ ᠮᠡᠶ᠋ᠢᠷᠡᠨ ᠪ ᠦᠯᠢᠭᠡᠷ ᠡᠴᠡ
ᠰᠣᠩᠭᠣᠨ ᠨᠠᠶ᠋ᠢᠷᠠᠭᠤᠯᠤᠭᠰᠠᠨ ᠨᠠᠶ᠋ᠢᠷᠯᠠᠯ ᠬᠣᠯᠪᠣᠬ᠋ᠠ
ᠲᠣᠭᠯᠠᠭᠴᠢ ᠄ ᠠ ᠡ ᠢ ᠣ ᠵᠡᠷᠭᠡ ᠬᠥᠮᠦᠰ
ᠤᠯᠠᠨ ᠄
ᠬᠤᠭᠤᠷ ᠶ᠋ᠢᠠᠨ ᠪᠠᠷᠢᠭᠠᠳ ᠬᠣᠯᠪᠣᠲᠠᠭ ᠨᠢ
ᠬᠣᠪᠢᠨ ᠪ ᠦᠨᠲᠦᠰᠦᠲᠡᠨ ᠪ ᠣᠨᠴᠠᠯᠢᠬ ᠠ᠋ ᠂
ᠬᠠᠲᠠᠨ ᠪᠠᠭᠠᠲᠤᠷ ᠶ᠋ᠢᠠᠨ ᠮᠠᠭᠲᠠᠲᠠᠭ ᠨᠢ
ᠬᠣᠯᠪᠣᠭᠠᠴᠢᠨ ᠪᠢᠲᠡᠨ ᠪ ᠵᠠᠩᠰᠢᠯ ᠠ᠋ ᠃
ᠮᠣᠷᠢᠨ ᠬᠤᠭᠤᠷ ᠶ᠋ᠢᠠᠨ ᠬᠥᠭᠯᠡᠭᠦᠯᠳᠡᠭ ᠨᠢ
ᠮᠠᠯᠴᠢᠨ ᠪᠢᠲᠡᠨ ᠪ ᠤᠯᠠᠮᠵᠢᠯᠠᠯ ᠠ᠋ ᠂
ᠮᠠᠭᠲᠠᠭᠠᠯᠲᠤ ᠦᠢᠯᠡᠰ ᠶ᠋ᠢᠡᠨ ᠤᠶᠠᠩᠭᠠᠯᠠᠲᠠᠭ ᠨᠢ
ᠮᠣᠩᠭᠣᠯᠴᠤᠳ ᠪᠢᠲᠡᠨ ᠪ ᠣᠮᠣᠭᠰᠢᠯ ᠠ᠋ ᠃
ᠠ ᠄
ᠵᠸ ᠂ ᠦᠯᠢᠭᠡᠷ ᠦ᠋ᠨ ᠦᠴᠢᠷ ᠂ ᠦᠭᠦᠯᠡᠬᠦ ᠬᠣᠯᠪᠣᠬ᠋ᠠ1929 ᠣᠨ ᠪ ᠤᠴᠢᠷ ᠪᠣᠯᠤᠨᠠ ᠃ ᠣᠷᠣᠢ ᠶ᠋ᠢᠨ ᠴᠢᠮᠡᠭ ᠭᠡᠵᠦ ᠣᠭᠰᠣᠯᠵᠠᠭᠰᠠᠨ ᠳᠠᠷᠬᠠᠨ ᠸᠠᠩ ᠥᠩᠭᠡ ᠳᠠᠷᠠᠰᠤᠨ ᠳᠦ ᠪᠢᠯᠠᠭᠤᠷᠠᠭᠠᠳ ᠂ ᠬᠢᠲᠠᠳ ᠦ᠋ᠨ ᠵᠠᠯᠢᠬᠠᠢ ᠶ᠋ᠢᠨ ᠥᠬᠢᠨ ᠊ᠢ ᠬᠠᠲᠤᠨ ᠲᠠᠲᠠᠵᠤ ᠲᠠᠩᠰᠤᠭ ᠪᠠᠶᠠᠯᠢᠬ ᠳᠠᠷᠬᠠᠨ ᠬᠤᠰᠢᠭᠤ ᠪᠠᠨ ᠰᠠᠨᠠᠬ᠋ᠠ ᠲᠠᠪᠠ ᠪᠠᠷ ᠶ᠋ᠢᠠᠨ ᠬᠤᠲᠠᠯᠲᠤᠬᠤ ᠳᠦ ᠭᠠᠲᠠ ᠮᠡᠶ᠋ᠢᠷᠡᠨ ᠲᠦᠷᠦᠭᠦᠲᠠᠢ ᠮᠠᠯᠴᠢᠳ ᠦ᠋ᠨ ᠡᠩᠨᠡᠭᠡ ᠳᠠᠷᠬᠠᠨ ᠪ ᠮᠣᠩᠭᠣᠯᠴᠤᠳ ᠶ᠋ᠢᠠᠨ ᠲᠥᠯᠥᠭᠡᠯᠡᠵᠦ ᠮᠦᠭᠳᠡᠨ ᠳᠦ ᠬᠦᠷᠴᠦ ᠵᠠᠭᠠᠯᠲᠤᠯᠬ᠋ᠠ ᠬᠢᠭᠰᠡᠨ ᠳᠦ ᠭᠡᠲᠡᠷᠭᠦ ᠸᠠᠩ ᠊ᠢ ᠡᠰᠡᠷᠭᠦᠴᠡᠭᠰᠡᠨ ᠶᠠᠯᠠ ᠲᠤᠯᠭᠠᠵᠤ ᠂ ᠭᠢᠨᠲᠠᠨ ᠳᠦ ᠬᠣᠷᠢᠵᠤ ᠠᠯᠠᠬᠤ ᠶᠠᠯᠠ ᠪᠠᠷ ᠰᠢᠳᠬᠡᠭᠳᠡᠪᠡ᠃
ᠤᠯᠠᠨ ᠄
ᠦᠭᠦᠯᠡᠵᠦ ᠬᠡᠯᠡᠬᠦ ᠬᠣᠯᠪᠣᠬ᠋ᠠ
ᠡᠨᠲᠡ ᠡᠴᠡ ᠰᠡᠲᠦᠪ ᠵᠠᠯᠭᠠᠨᠠ ᠂
ᠥᠷᠯᠥᠭ ᠪᠠᠭᠠᠲᠤᠷ ᠶ᠋ᠢᠠᠨ ᠠᠪᠤᠷᠠᠬᠤ
ᠥᠷᠨᠢᠭᠦᠨ ᠪᠠᠶ᠋ᠢᠯᠲᠤᠭᠠᠨ ᠶ᠋ᠢᠠᠨ ᠲᠣᠭᠠᠴᠢᠨᠠ
ᠬᠠᠷᠠ ᠡᠭᠦᠯᠡ ᠨᠡᠲᠦᠶ᠋ᠢᠭᠡᠳ
ᠬᠠᠨ ᠳᠡᠯᠡᠬᠡᠢ ᠬᠠᠷᠠᠩᠭᠤᠶ᠋ᠢᠯᠠᠨᠠ ᠂
ᠬᠠᠤᠬᠢᠬᠤ ᠰᠠᠯᠬᠢ ᠢᠰᠬᠡᠷᠦᠭᠡᠳ
ᠬᠠᠮᠤᠭ ᠪᠣᠲᠠᠰ ᠊ᠢ ᠰᠢᠯᠪᠢᠭᠦᠷᠲᠡᠨᠡ ᠃
ᠡᠯᠡᠷ ᠪᠠᠯᠠᠷ ᠴᠠᠰᠤᠨ ᠳᠤᠮᠳᠠᠭᠤᠷ
ᠠᠷᠪᠠᠭᠠᠳ ᠮᠣᠷᠢᠲᠠᠨ ᠳᠠᠪᠬᠢᠭᠤᠯᠵᠤ ᠢᠷᠡᠨᠡ ᠃
ᠠᠷᠪᠠᠨ ᠨᠠᠢ᠍ᠮᠠᠨ ᠳᠠᠪᠠᠬ᠋ᠠ ᠶ᠋ᠢᠨ ᠳᠡᠭᠡᠭᠦᠷ
ᠠᠭᠲᠠ ᠬᠥᠯᠦᠭ ᠶ᠋ᠢᠡᠨ ᠨᠢᠰᠭᠡᠵᠤ ᠢᠷᠡᠨᠡ ᠃
ᠪᠣᠮᠪᠣᠭᠣᠷ ᠱᠣᠮᠪᠣᠭᠣᠷ ᠵᠣ᠋ ᠂ ᠬᠤᠸᠠ ᠶ᠋ᠢ
ᠳᠠᠪᠠᠭᠠᠳ ᠳᠠᠪᠠᠭᠠᠳ ᠭᠠᠷᠴᠤ ᠶᠠᠪᠤᠨᠠ ᠂
ᠪᠣᠰᠤᠬ᠋ᠠ ᠪᠣᠰᠤᠬ᠋ᠠ ᠡᠯᠡᠰᠦ ᠮᠠᠩᠬᠠ ᠶ᠋ᠢ
ᠥᠩᠭᠡᠷᠡᠭᠡᠳ ᠥᠩᠭᠡᠷᠡᠭᠡᠳ ᠬᠠᠷᠠᠶ᠋ᠢᠯᠭᠠᠵᠤ ᠶᠠᠪᠤᠨᠠ ᠃
ᠴᠠᠩ ᠡᠸ ᠳᠠᠭᠢᠨᠢᠰ ᠦ᠋ᠨ ᠪᠤᠷᠢᠯᠤᠠ ᠤᠤ
ᠴᠠᠭᠠᠨ ᠬᠤᠶᠠᠭ ᠬᠡᠲᠤᠷᠴᠡᠵᠠᠢ
ᠴᠠᠰᠤᠨ ᠰᠠᠬᠢᠭᠤᠯᠰᠤᠨ ᠪ ᠬᠤᠪᠢᠯᠭᠠᠨ ᠤᠤ
ᠴᠠᠶ᠋ᠢᠷᠠᠰ ᠲᠠᠲᠠᠨ ᠭᠢᠯᠪᠡᠯᠵᠡᠵᠡᠢ ᠃
ᠴᠠᠰᠤ ᠰᠢᠭᠤᠷᠬ᠋ᠠ ᠲᠣᠭᠰᠢᠷᠵᠤ ᠯᠠ ᠪᠠᠶ᠋ᠢᠨᠠ᠂
ᠰᠠᠯᠬᠢᠨ ᠪ ᠬᠦᠴᠦᠨ ᠳᠦ ᠢᠰᠬᠡᠷᠴᠦ ᠯᠡ ᠪᠠᠶ᠋ᠢᠨᠠ᠃
ᠴᠠᠭᠠᠨ ᠬᠤᠶᠠᠭᠲᠠᠳ ᠳᠠᠪᠬᠢᠯᠲᠤᠵᠤ ᠯᠠ ᠪᠠᠶ᠋ᠢᠨᠠ᠂
ᠴᠠᠯᠲᠠᠰ ᠦ᠋ᠨ ᠡᠭᠦᠷ ᠣᠶ᠋ᠢᠷᠠᠤᠠᠴᠤ ᠯᠠ ᠪᠠᠶ᠋ᠢᠨᠠ᠃
ᠡ᠄
ᠵᠸ᠂ ᠥᠷᠯᠥᠭ ᠪᠠᠭᠠᠲᠤᠷ ᠭᠠᠳᠠ ᠮᠡᠶ᠋ᠢᠷᠡᠨ ᠊ᠢ ᠥᠰᠢᠶᠡᠲᠡᠨ ᠳᠠᠶ᠋ᠢᠰᠤᠨ ᠬᠣᠣᠷᠯᠠᠬᠤ ᠴᠢᠮᠡᠭᠡ ᠶ᠋ᠢ ᠰᠣᠨᠣᠰᠤᠭᠠᠳ᠂ ᠥᠷᠦᠴᠡ ᠵᠢᠷᠦᠬᠡ ᠨᠢ ᠳᠡᠯᠪᠡᠷᠡᠲᠡᠯᠡ ᠬᠢᠯᠢᠩᠯᠡᠵᠦ᠂ ᠥᠨᠡᠭᠡ ᠴᠢᠨᠣᠠ ᠶ᠋ᠢ ᠬᠢᠶᠠᠷᠠᠲᠠᠯᠠ ᠠᠯᠠᠵᠤ ᠥᠪᠡᠷ ᠦ᠋ᠨ ᠮᠡᠶ᠋ᠢᠷᠡᠨ ᠊ᠢ ᠠᠪᠤᠷᠠᠬᠤ ᠪᠠᠷ ᠮᠦᠲᠡᠨ ᠶ᠋ᠢᠡᠷ ᠲᠣᠯᠣᠭᠠᠶ᠋ᠢᠯᠠᠭᠰᠨ ᠮᠠᠯᠴᠢᠳ ᠦ᠋ᠨ ᠡᠩᠨᠡᠭᠡ ᠠᠶᠣᠯᠲᠤ ᠰᠢᠭᠤᠷᠬ᠋ᠠ ᠳᠦ ᠰᠢᠷᠭᠤᠯᠵᠤ ᠢᠷᠡᠭᠰᠡᠨ ᠨᠢ ᠡᠨᠡ ᠪᠠᠶ᠋ᠢᠵᠠᠢ᠃
ᠠᠲᠠᠭᠠᠲᠠᠨ ᠳᠡᠭᠡᠷᠡᠮ ᠦ᠋ᠨ ᠡᠭᠦᠷ ᠊ᠢ
ᠠᠯᠲᠠᠯ ᠦᠭᠡᠢ ᠭᠠᠯᠲᠠᠬᠤ ᠶ᠋ᠢᠨ ᠲᠥᠯᠥᠭᠡ
ᠠᠶᠤᠯᠲᠤ ᠭᠢᠨᠲᠠᠨ ᠊ᠢ ᠪᠠᠯᠪᠠᠴᠢᠭᠠᠳ
ᠠᠮᠠᠷᠠᠭ ᠨᠥᠬᠥᠷ ᠶ᠋ᠢᠡᠨ ᠠᠪᠤᠷᠠᠬᠤ ᠶ᠋ᠢᠨ ᠲᠥᠯᠥᠭᠡ
ᠥᠯᠵᠡᠶ᠋ᠢᠲᠦ ᠶ᠋ᠢᠨ ᠮᠠᠩᠬᠠ ᠶ᠋ᠢᠨ ᠡᠩᠭᠡᠷ ᠲᠤ
ᠦᠶᠡ ᠶ᠋ᠢᠨ ᠨᠥᠬᠥᠳ ᠶ᠋ᠢᠡᠨ ᠦᠯᠡᠲᠡᠭᠡᠨᠡ᠃
ᠤᠨᠤᠭᠰᠠᠨ ᠬᠥᠯᠥᠭ ᠦ᠋ᠨ ᠲᠤᠭᠤᠷᠠᠢ ᠳ᠋ᠤᠨᠢ
ᠡᠭᠦᠯᠡ ᠰᠠᠯᠬᠢ ᠣᠷᠢᠶᠠᠯᠲᠤᠨᠠ᠂
ᠤᠭᠠᠯᠵᠠ ᠬᠡ ᠲᠡᠢ ᠬᠦᠯᠢᠮ ᠨᠢ
ᠡᠨᠲᠢ ᠲᠡᠨᠲᠡᠢ ᠨᠢ ᠳᠡᠯᠭᠡᠨᠡ᠃
ᠬᠤᠷᠠᠭᠠᠨ ᠠᠷᠠᠰᠤᠨ ᠬᠦᠷᠮᠡ ᠨᠢ
ᠯᠠᠪᠷᠠᠢ ᠪᠣᠯᠤᠨ ᠯᠠᠪᠰᠠᠯᠠᠨᠠ᠃
ᠪᠤᠲᠠᠨ ᠳᠦ ᠰᠢᠷᠭᠤᠭᠰᠠᠨ ᠴᠢᠨᠣᠠ ᠨᠤᠭᠤᠳ
ᠰᠣᠴᠢᠨ ᠰᠣᠴᠢᠨ ᠪᠤᠷᠤᠭᠤᠯᠠᠨᠠ
ᠡᠯᠢᠨ ᠬᠠᠯᠢᠨ ᠪᠦᠷᠭᠦᠳ
ᠡᠮᠦᠨᠡ ᠬᠣᠶ᠋ᠢᠨᠠ ᠳᠡᠪᠲᠡᠷᠢᠨᠡ
ᠥᠰᠢᠶᠡᠲᠡᠨ ᠳᠠᠶ᠋ᠢᠰᠤᠨ ᠪ ᠤᠷᠳᠤ ᠶ᠋ᠢ
ᠦᠵᠡᠬᠦ ᠶ᠋ᠢᠨ ᠬᠣᠭᠣᠷᠣᠨᠳᠣ ᠣᠶ᠋ᠢᠷᠠᠲᠤᠨᠠ᠃
ᠢ᠄
ᠵᠸ ᠮᠦᠲᠠᠨ ᠥᠰᠢᠶᠡᠲᠡᠨ ᠳᠠᠶ᠋ᠢᠰᠤᠨ ᠪ ᠡᠭᠦᠷ ᠲᠦ ᠰᠢᠷᠭᠤᠯᠠᠨ ᠬᠢᠨᠲᠠᠨ ᠊ᠢ ᠬᠠᠮᠢᠶᠠᠷᠴᠤ ᠪᠠᠶ᠋ᠢᠬᠰᠠᠨ ᠸᠠᠩ ᠦ᠋ᠨ ᠪᠢᠴᠢᠭᠡᠴᠢ ᠶ᠋ᠢᠨ ᠭᠡᠷ ᠲᠤ ᠣᠷᠣᠬᠤ ᠳᠦ᠄
ᠬᠣᠵᠤᠤᠯᠠ ᠶ᠋ᠢᠨ ᠭᠠᠯ ᠦ᠋ᠨ ᠰᠣᠷ ᠳᠡᠭᠡᠷᠡ
ᠬᠣᠨᠲᠠᠭᠠᠲᠤ ᠳᠠᠷᠠᠰᠤ ᠪᠣᠷᠭᠢᠯᠤᠨᠠ
ᠬᠣᠨᠢᠨ ᠨᠣᠣᠰᠣᠨ ᠢᠰᠡᠭᠡᠢ ᠳᠡᠭᠡᠷᠡ
ᠬᠣᠶᠠᠷ ᠭᠠᠶ᠋ᠢᠬᠠᠯ ᠰᠤᠯᠲᠠᠶ᠋ᠢᠨᠠ᠃
ᠬᠠᠷᠠ ᠲᠠᠮᠠᠬᠢ ᠶ᠋ᠢᠨ ᠦᠨᠦᠷ
ᠬᠠᠮᠠᠷ ᠦ᠋ᠨ ᠨᠦᠬᠡ ᠴᠣᠷᠭᠢᠨᠠ᠂
ᠬᠠᠷᠠ ᠡᠷᠢᠶᠡᠨ ᠢᠯᠠᠬ᠋ᠠ
ᠬᠠᠨᠠ ᠬᠡᠷᠡᠮ ᠮᠥᠷᠭᠦᠯᠬᠢᠯᠠᠨᠠ᠃
ᠠ᠄
ᠮᠦᠲᠠᠨ ᠭᠢᠨᠲᠠᠨ ᠪ ᠪᠠᠶ᠋ᠢᠲᠠᠯ ᠊ᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠤᠶ᠋ᠢᠯᠭᠠᠬᠤ ᠶ᠋ᠢᠨ ᠲᠥᠯᠥᠭᠡ ᠲᠥᠪᠯᠡᠭᠦᠨ ᠶ᠋ᠢᠡᠷ ᠬᠣᠶᠠᠷ ᠪᠢᠴᠢᠭᠡᠴᠢ ᠳᠦ᠄
ᠬᠣᠲᠠ ᠠ᠋ᠴᠠ ᠠᠪᠴᠢᠷᠠᠭᠰᠠᠨ ᠲᠠᠮᠠᠬᠢ ᠭᠡᠳ
ᠬᠣᠶᠠᠷ ᠭᠠᠶ᠋ᠢᠬᠠᠯ ᠳᠦ ᠳᠦᠯᠬᠢᠨᠠ᠂
ᠬᠣᠷᠠᠮᠲᠠᠭᠤᠯᠵᠤ ᠴᠤᠭᠯᠠᠭᠤᠮᠤᠭᠰᠠᠨ ᠰᠢᠷᠠ ᠲᠣᠰᠣ ᠭᠡᠳ
ᠬᠣᠷᠭᠣ ᠳᠡᠭᠡᠷᠡ ᠨᠢ ᠲᠠᠯᠪᠢᠨᠠ᠃
ᠥᠪᠡᠷ ᠦ᠋ᠨ ᠨᠥᠬᠥᠷ ᠭᠠᠳᠠ ᠪᠠᠨ
ᠦᠵᠡᠶᠡ ᠭᠡᠳ ᠭᠤᠶᠤᠵᠤ ᠪᠠᠶ᠋ᠢᠨᠠ
ᠥᠷᠥᠴᠡ ᠵᠢᠷᠦᠬᠡᠨ ᠳ᠋ᠡᠭᠡᠨ ᠡᠨᠡᠷᠢᠭᠡᠷᠡᠢ ᠭᠡᠳ
ᠡᠨᠡ ᠬᠣᠶᠠᠷ ᠊ᠢ ᠱᠠᠭᠠᠷᠲᠠᠨᠠ᠃
ᠠ᠄
ᠬᠣᠶᠠᠷ ᠪᠢᠴᠢᠭᠡᠴᠢ ᠲᠠᠮᠠᠬᠢ᠂ ᠲᠣᠰᠣ ᠶ᠋ᠢ ᠦᠵᠡᠭᠡᠳ᠄
ᠲᠣᠰᠣ ᠲᠠᠮᠠᠬᠢ ᠳᠤᠲᠠᠬᠤ ᠦᠭᠡᠢ ᠭᠡᠳ
ᠲᠣᠯᠣᠭᠠᠢ ᠲᠦᠷᠦᠭᠦᠦ ᠪᠡᠨ ᠳᠠᠮᠠᠷᠤᠲᠠᠨᠠ᠃
ᠳᠣᠯᠣᠪᠤᠷ ᠬᠤᠷᠤᠭᠤ ᠪᠠᠷ ᠲᠦᠯᠬᠢᠭᠡᠳ
ᠳᠤᠮᠳᠠ ᠬᠤᠷᠤᠭᠤ ᠪᠠᠷ ᠶ᠋ᠢᠠᠨ ᠭᠣᠬᠠᠲᠠᠨᠠ᠃
ᠡᠳ᠋ ᠪᠡᠯᠡᠭ ᠊ᠢ ᠨᠢ ᠬᠤᠷᠢᠶᠠᠴᠢᠬᠠᠭᠠᠳ
ᠡᠨᠡᠲᠡᠢ ᠲᠠᠯᠠ ᠳ᠋ᠠᠭᠠᠨ ᠣᠪᠤᠭᠠᠯᠠᠨᠠ
ᠡᠨᠡ ᠴᠠᠰᠤᠨ ᠳᠦ ᠪᠣᠯᠬᠤ ᠦᠭᠡᠢ ᠭᠡᠳ
ᠡᠷᠭᠢᠵᠦ ᠮᠦᠲᠠᠨ ᠊ᠢ ᠬᠥᠭᠡᠭᠡᠨᠡ
ᠣᠯᠠᠨ᠄
ᠵᠠ᠂ ᠡᠭᠦᠨ ᠊ᠢ ᠦᠵᠡᠭᠡᠳ ᠮᠦᠲᠠᠨ ᠪ
ᠬᠣᠩᠭᠣᠷ ᠵᠢᠷᠦᠬᠡᠨ ᠪ ᠬᠢᠯᠢᠩ ᠨᠢ
ᠬᠤᠵᠤᠤᠯᠠ ᠶ᠋ᠢᠨ ᠭᠠᠯ ᠰᠢᠭ᠋ ᠳᠦᠷᠡᠯᠵᠡᠨᠡ᠂
ᠬᠣᠷᠢᠬᠲᠠᠬᠤ ᠨᠥᠬᠥᠷ ᠶ᠋ᠢᠡᠨ ᠰᠠᠨᠠᠭᠠᠳ
ᠬᠣᠷᠣᠰᠤᠯ ᠵᠠᠨᠤᠯ ᠨᠢ ᠨᠡᠮᠡᠭᠳᠡᠨᠡ᠃
ᠡᠮᠤᠰᠴᠤ ᠪᠠᠶ᠋ᠢᠬᠰᠠᠨ ᠭᠠᠲᠠᠷ ᠳᠡᠪᠡᠯ ᠦ᠋ᠨ ᠶ᠋ᠢᠡᠨ
ᠡᠩᠭᠡᠷ ᠬᠣᠷᠮᠣᠢ ᠶ᠋ᠢ ᠨᠢ ᠰᠠᠵᠢᠮᠠᠭᠴᠠ᠂
ᠥᠷᠭᠡᠨ ᠪᠦᠰᠡᠨ ᠳ᠋ᠡᠬᠢ ᠫᠣᠣ ᠪᠠᠨ
ᠥᠤᠠᠲᠡᠷ ᠲᠦᠷᠭᠡᠨ ᠰᠤᠭᠤᠯᠤᠨᠠ᠃
ᠭᠠᠯ ᠪᠠᠲᠠᠷᠠᠭᠰᠠᠨ ᠨᠢᠳᠦ ᠨᠢ
ᠭᠠᠷᠠᠬᠠ ᠠᠲᠠᠯᠢ ᠲᠥᠭᠥᠷᠢᠭ᠌ᠯᠡᠨᠡ᠂
ᠭᠠᠷᠬᠤ ᠡᠭᠦᠳᠡ ᠶ᠋ᠢ ᠨᠢ ᠪᠦᠭᠯᠡᠭᠡᠳ
ᠭᠠᠷ ᠫᠣᠣ ᠪᠠᠨ ᠲᠤᠯᠭᠠᠨᠠ᠃
ᠬᠣᠶᠠᠷ ᠭᠠᠶ᠋ᠢᠬᠠᠯ ᠥᠨᠲᠡᠶ᠋ᠢᠨᠡ᠂
ᠬᠣᠶ᠋ᠢᠭᠤᠷ ᠠᠷᠬ᠋ᠠ ᠪᠠᠨ ᠰᠢᠪᠬᠠᠨᠠ᠃
ᠬᠡᠪᠲᠡᠭᠰᠡᠨ ᠣᠷᠣᠨ ᠠ᠋ᠴᠠ ᠪᠠᠨ ᠮᠥᠯᠬᠦᠨᠠ᠂
ᠬᠦᠰᠡᠷ ᠰᠥᠭᠦᠲᠦᠭᠡᠳ ᠶᠣᠭᠣᠨᠠ᠃
ᠠᠩᠴᠢᠨ ᠬᠥᠮᠦᠨ ᠪ ᠦᠷᠡᠰ ᠶᠤᠮ
ᠠᠷᠢᠶᠠᠲᠠᠨ ᠪ ᠠᠷᠬ᠋ᠠ ᠳᠦ ᠭᠡᠨᠡᠳᠡᠭᠳᠡᠬᠦ ᠦᠦ?
ᠠᠮᠠᠷᠠᠭ ᠨᠥᠬᠥᠷ ᠶ᠋ᠢᠡᠨ ᠠᠪᠤᠷᠠᠬᠤ ᠶᠤᠮ᠃
ᠠᠶᠤᠤᠯᠢᠬᠠᠢ ᠴᠡᠭᠡᠵᠢ ᠨᠢ ᠪᠠᠯᠠᠷᠲᠠᠬᠤ ᠦᠦ?
ᠲᠣᠩᠰᠢᠭᠤᠷ ᠰᠢᠪᠠᠭᠤ ᠰᠢᠭ᠋ ᠬᠡᠬᠦᠯᠵᠡᠭᠡᠳ
ᠲᠤᠯᠵᠤ ᠢᠷᠡᠭᠰᠡᠨ ᠬᠣᠶᠠᠷ ᠦ᠋ᠨ
ᠳᠤᠬᠤ ᠥᠭᠡᠳᠡ ᠨᠢ ᠫᠤᠤ ᠲᠤᠯᠭᠠᠨᠠ᠂
ᠳᠤᠭᠲᠤᠷᠴᠤ ᠴᠢᠨᠠᠭᠰᠢ ᠪᠠᠨ ᠬᠥᠭᠡᠭᠡᠨᠡ᠃
ᠡ᠄
ᠵᠠ᠂ ᠮᠦᠲᠠᠨ ᠬᠣᠶᠠᠷ ᠪᠢᠴᠢᠭᠡᠴᠢ ᠶ᠋ᠢ ᠨᠢᠭᠡ ᠪᠡᠷ ᠨᠢ ᠨᠢᠭᠡ ᠶ᠋ᠢ ᠨᠢ ᠠᠲᠤᠷᠢᠲᠠᠯᠠ ᠬᠦᠯᠢᠭᠦᠯᠦᠭᠡᠳ᠄
ᠠᠭᠠᠷ ᠥᠭᠡᠳᠡ ᠬᠠᠷᠪᠤᠨᠠ
ᠠᠨᠳᠠ ᠨᠥᠬᠥᠳ ᠶ᠋ᠢᠡᠨ ᠴᠤᠭᠯᠠᠭᠤᠯᠤᠨᠠ᠂
ᠠᠲᠠᠭᠠᠲᠠᠨ ᠪ ᠡᠭᠦᠷ ᠊ᠢ ᠪᠦᠰᠡᠯᠡᠨᠡ᠂
ᠠᠷᠤ ᠶ᠋ᠢᠨ ᠭᠢᠨᠲᠠᠨ ᠊ᠢ ᠣᠶ᠋ᠢᠷᠠᠲᠤᠨᠠ᠃
ᠵᠠᠮ ᠦ᠋ᠨ ᠪᠣᠭᠣᠮᠲᠠ ᠶ᠋ᠢ
ᠵᠢᠭᠠᠪᠤᠷᠢ ᠶᠣᠰᠣᠭᠠᠷ ᠬᠠᠭᠠᠨᠠ᠃
ᠵᠠᠯᠢᠬᠠᠢ ᠶ᠋ᠢᠨ ᠡᠭᠦᠷ ᠊ᠢ ᠲᠥᠭᠥᠷᠢᠭᠯᠡᠭᠡᠳ
ᠵᠢᠯᠢᠢᠵᠦ ᠭᠠᠷᠬᠤ ᠡᠴᠡ ᠨᠢ ᠰᠡᠷᠭᠡᠶ᠋ᠢᠯᠡᠨᠡ᠃
ᠣᠯᠠᠠ᠄
ᠵᠠ᠂ ᠮᠦᠲᠠᠨ ᠪ ᠳᠣᠬᠢᠶᠠ ᠶ᠋ᠢ ᠰᠣᠨᠣᠰᠤᠮᠠᠭᠴᠠ ᠦᠶᠡ ᠶ᠋ᠢᠨ ᠨᠥᠬᠥᠳ ᠨᠢ ᠸᠠᠩ ᠦ᠋ᠨ ᠤᠷᠲᠤ ᠶ᠋ᠢ ᠭᠠᠩ ᠴᠠᠭᠠᠷᠢᠭ ᠰᠢᠭ᠋ ᠪᠦᠰᠡᠯᠡᠨ ᠠᠪᠤᠭᠠᠳ ᠮᠦᠲᠠᠨ ᠊ᠢ ᠳᠠᠭᠠᠭᠠᠳ ᠳᠣᠲᠣᠭᠰᠢ ᠪᠠᠶ᠋ᠢᠯᠲᠤᠨ ᠣᠷᠣᠨᠠ᠃
ᠬᠣᠶᠠᠷ ᠮᠣᠷᠢ ᠶ᠋ᠢ ᠮᠦᠲᠠᠨ ᠲᠠᠰᠢᠭᠤᠷᠲᠠᠨ
ᠬᠠᠮᠤᠭ ᠡᠮᠦᠨᠡ ᠨᠢ ᠬᠤᠰᠢᠭᠤᠷᠠᠨᠠ᠂
ᠬᠣᠣᠰ ᠫᠣᠣ ᠶ᠋ᠢ ᠴᠡᠨᠡᠭᠯᠡᠨ
ᠬᠣᠷᠢᠬᠲᠠᠯ ᠦ᠋ᠨ ᠭᠡᠷ ᠊ᠢ ᠴᠢᠭ᠌ᠯᠡᠨᠡ᠃
ᠵᠢᠷᠦᠬᠡᠨ ᠭᠣᠣᠯ ᠊ᠢ ᠴᠢᠭ᠌ᠯᠡᠨ ᠬᠠᠷᠪᠤᠨᠠ
ᠵᠠᠮ ᠲᠤᠰᠬᠤ ᠬᠥᠮᠦᠨ ᠪᠠᠶ᠋ᠢᠬᠤ ᠤᠤ?
ᠵᠥᠪ ᠪᠤᠷᠤᠭᠤ ᠪᠠᠷ ᠠᠲᠠᠯᠢ ᠬᠠᠷᠪᠤᠨᠠ
ᠵᠦᠭᠯᠡᠵᠦ ᠡᠰᠡᠷᠭᠦᠴᠡᠬᠦ ᠠᠮᠢᠲᠠᠨ ᠪᠠᠶ᠋ᠢᠬᠤ ᠤᠤ?
ᠳᠡᠷᠪᠡᠯᠵᠡᠵᠦ ᠪᠠᠶ᠋ᠢᠬᠰᠠᠨ ᠳᠠᠷᠴᠤᠭ ᠦ᠋ᠨ ᠬᠢᠨ
ᠳᠡᠭᠡᠰᠦᠨ ᠣᠷᠢᠶᠠᠯᠲᠠ ᠶ᠋ᠢ ᠨᠢ ᠲᠠᠰᠤ ᠬᠠᠷᠪᠤᠨᠠ᠂
ᠳᠡᠩᠬᠡᠶ᠋ᠢᠵᠦ ᠪᠠᠶ᠋ᠢᠬᠰᠠᠨ ᠬᠠᠷᠠᠭᠤᠯ ᠦ᠋ᠳ ᠊ᠢ ᠨᠢ
ᠳᠡᠭᠲᠡᠷ ᠳᠡᠭᠡᠷᠡ ᠨᠢ ᠳᠡᠭᠳᠡᠢᠲᠡᠯᠡ ᠬᠠᠷᠪᠤᠨᠠ᠃
ᠭᠠᠯ ᠯᠤᠤ ᠭᠤᠷᠪᠠᠯᠵᠠᠭᠠᠳ
ᠤᠷᠲᠤ ᠥᠷᠪᠢᠰᠤᠨᠡ᠂
ᠭᠠᠩ ᠰᠤᠮᠤ ᠱᠤᠩᠭᠢᠨᠠᠭᠠᠳ
ᠭᠠᠶ᠋ᠢᠬᠠᠯ ᠳᠡᠭᠡᠷᠡᠮ ᠦ᠋ᠳ ᠰᠤᠯᠲᠠᠶ᠋ᠢᠨᠠ
ᠲᠣᠭᠣᠷᠴᠣᠭ ᠮᠠᠯᠠᠭᠠᠢ ᠪᠠᠨ ᠬᠠᠶᠠᠭᠠᠳ
ᠳᠤᠬᠤ ᠦᠵᠡᠭᠦᠯᠦᠨ ᠵᠢᠭᠤᠲᠠᠨᠠ᠂
ᠲᠣᠷᠭᠠᠨ ᠬᠥᠨᠵᠢᠯᠡ ᠪᠡᠨ ᠨᠥᠮᠦᠷᠡᠨ
ᠳᠣᠲᠣᠭᠰᠢ ᠭᠠᠲᠠᠭᠰᠢ ᠪᠤᠷᠤᠭᠤᠯᠠᠨᠠ᠃
ᠬᠠᠷᠠ ᠭᠡᠷ ᠦ᠋ᠨ ᠡᠭᠦᠲᠡᠨ ᠪ
ᠬᠠᠭᠠᠯᠬ᠋ᠠ ᠣᠨᠢᠰᠣ ᠶ᠋ᠢ ᠨᠢ ᠪᠠᠯᠪᠠᠴᠢᠨᠠ᠃
ᠬᠠᠷᠠ ᠬᠡᠭᠡᠷ ᠮᠣᠷᠢ ᠪᠠᠨ
ᠬᠠᠶ᠋ᠢᠷᠠᠲᠤ ᠨᠥᠬᠥᠷ ᠲᠡᠭᠡᠨ ᠭᠠᠷᠲᠠᠭᠤᠯᠤᠨᠠ᠃
ᠡᠷᠡᠯᠬᠡᠭ ᠭᠠᠳᠠ ᠭᠠᠷᠴᠠᠢ ᠭᠡᠳ
ᠥᠰᠢᠶᠡᠲᠡᠨ ᠳᠡᠭᠡᠷᠡᠮ ᠦ᠋ᠳ ᠴᠡᠴᠡᠷᠡᠨᠡ᠂
ᠡᠯᠵᠢᠭᠡᠨ ᠬᠠᠰᠢᠶᠠ ᠰᠡᠯᠡᠭᠦᠦ ᠭᠡᠳ
ᠡᠷᠡᠦ ᠬᠠᠪᠬᠢᠨᠠᠨ ᠭᠦᠶᠦᠯᠲᠦᠨᠡ᠃
ᠵᠠ᠂ ᠲᠡᠷᠡ ᠦᠶᠡ ᠳᠦ᠄
ᠬᠠᠭᠠᠴᠠᠭᠰᠠᠨ ᠡᠵᠡᠨ ᠲᠡᠢ ᠪᠡᠨ ᠵᠣᠯᠭᠠᠪᠠᠤ!
ᠬᠠᠷᠠ ᠬᠡᠭᠡᠷ ᠮᠣᠷᠢ ᠢᠨᠴᠠᠭᠠᠨᠠ
ᠬᠠᠶ᠋ᠢᠷᠠᠲᠤ ᠨᠥᠬᠥᠳ ᠲᠡᠢ ᠪᠡᠨ ᠤᠴᠠᠷᠠᠪᠠᠤ?
ᠬᠠᠲᠠᠨ ᠭᠠᠳᠠ ᠪᠠᠶᠠᠷᠯᠠᠨᠠ᠃
ᠵᠠᠮ ᠵᠠᠮ ᠦ᠋ᠨ ᠨᠥᠬᠥᠳ ᠨᠢ
ᠵᠢᠭᠠᠪᠤᠷᠢ ᠶᠣᠰᠣ ᠪᠠᠷ ᠴᠤᠭᠯᠠᠷᠠᠨᠠ᠂
ᠵᠢᠭᠠᠰᠤᠨ ᠲᠣᠣᠷ ᠰᠢᠭ᠋ ᠪᠥᠭᠡᠮᠨᠡᠷᠡᠭᠡᠳ
ᠵᠠᠯᠢᠬᠠᠢ ᠶ᠋ᠢ ᠤᠰᠠᠤᠠᠬᠠᠬᠤ ᠪᠠᠷ ᠭᠠᠪᠰᠢᠭᠠᠶ᠋ᠢᠯᠠᠨᠠ᠃
ᠣᠪᠣᠭᠠᠨ ᠵᠣ᠋ ᠶ᠋ᠢᠨ ᠡᠩᠭᠡᠷ ᠲᠦ
ᠣᠴᠢᠯᠠᠭᠰᠠᠨ ᠲᠦᠳᠡᠭ ᠳᠦᠷᠡᠯᠵᠡᠨᠡ᠂
ᠣᠯᠠᠨ ᠪᠠᠭᠠᠲᠤᠷ ᠦ᠋ᠳ ᠴᠤᠭᠯᠠᠷᠠᠭᠠᠳ
ᠤᠷᠪᠠᠯᠬ᠋ᠠ ᠭᠠᠷᠭᠠᠬᠤ ᠪᠠᠷ ᠲᠠᠩᠭᠠᠷᠢᠬᠯᠠᠨᠠ
ᠦᠬᠡᠷ ᠮᠠᠯ ᠳᠦ ᠮᠢᠷᠢᠶᠠᠭᠰᠠᠨ
ᠥᠯᠥᠨ ᠴᠢᠨᠣᠠ ᠶ᠋ᠢ ᠤᠰᠠᠤᠠᠬᠠᠨᠠ᠂
ᠥᠯᠥᠭᠡᠢ ᠨᠤᠲᠤᠭ ᠲᠠᠢ ᠬᠠᠯᠲᠠᠭᠰᠠᠨ
ᠥᠰᠢᠶᠡᠲᠡᠨ ᠳᠠᠶ᠋ᠢᠰᠤᠨ ᠊ᠢ ᠲᠣᠨᠢᠯᠭᠠᠨᠠ᠃
ᠭᠠᠷᠬᠤ ᠤᠯᠠᠭᠠᠨ ᠨᠠᠷᠠ
ᠭᠠᠯᠠᠪ ᠳᠡᠯᠡᠬᠡᠢ ᠶ᠋ᠢ ᠭᠡᠶ᠋ᠢᠭᠦᠯᠦᠨᠡ᠂
ᠭᠠᠳᠠ ᠮᠡᠶ᠋ᠢᠷᠡᠨ ᠪ ᠪᠣᠰᠤᠯᠬ᠋ᠠ ᠶ᠋ᠢᠨ ᠴᠡᠷᠢᠭ ᠦ᠋ᠨ
ᠭᠠᠩᠭᠠᠩ ᠲᠤᠭ ᠨᠠᠮᠢᠷᠠᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠤᠶᠠᠬ᠋ᠠ
ᠬᠢᠨᠠᠭᠴᠢ᠄ ᠣᠤᠠᠬᠠᠨᠰᠣᠠ
2025- © Sonin ᠰᠦᠯᠵᠢᠶᠡ ᠦᠮᠴᠢᠯᠡᠯᠤᠨ ᠡᠷᠬᠡᠲᠠᠢ
ᠵᠤᠬᠢᠶᠠᠭᠴᠢᠶᠢᠨ ᠡᠷᠬᠡ ᠬᠠᠤᠯᠢᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤᠶᠢ ᠬᠠᠲᠠᠭᠤ ᠬᠤᠷᠢᠭᠯᠠᠨᠠ
ᠬᠠᠷᠢᠯᠴᠠᠬᠤ ᠢᠮᠧᠯ᠄ soninhuudas@gmail.com